Територијалната противпожарна единица Куманово во текот на изминатото деноноќие интервенирала на опожарен оџак на куќа, лоцирана на улицата „Љупчо Арсовски“. Пожарот бил изгаснат за околу час и половина, информира утрово Регионалниот центар за управување со кризи.
Инаку, апелот од ТППЕ Куманово пред секоја грејна сезона е да се исчистат навремено оџаците на домовите за да се избегнат ризиците од евентуално опожарување.